ਰੱਖਿਆ ਖੋਜ ਅਤੇ ਵਿਕਾਸ ਸੰਸਥਾ (ਡੀਆਰਡੀਓ) ਨੇ 15 ਜੂਨ 2026 ਨੂੰ ਓਡੀਸ਼ਾ ਦੇ ਤਟ ਨੇੜੇ ਡਾ. ਏ.ਪੀ.ਜੇ. ਅਬਦੁਲ ਕਲਾਮ ਟਾਪੂ ਤੋਂ ਲੰਬੀ ਦੂਰੀ ਦੀ ਜ਼ਮੀਨੀ ਹਮਲਾ ਕ੍ਰੂਜ਼ ਮਿਸਾਈਲ (ਐਲਆਰਐਲਏਸੀਐਮ) ਦਾ ਸਫਲ ਉਡਾਣ-ਪਰੀਖਣ ਕੀਤਾ। ਇੰਟੀਗ੍ਰੇਟਡ ਟੈਸਟ ਰੇਂਜ (ਆਈਟੀਆਰ), ਚਾਂਦੀਪੁਰ ਵੱਲੋਂ ਤੈਨਾਤ ਕੀਤੇ ਗਏ ਵੱਖ-ਵੱਖ ਟ੍ਰੈਕਿੰਗ ਉਪਕਰਣਾਂ ਤੋਂ ਪ੍ਰਾਪਤ ਡਾਟਾ ਅਨੁਸਾਰ ਪਰੀਖਣ ਦੇ ਸਾਰੇ ਉਦੇਸ਼ ਪੂਰੀ ਤਰ੍ਹਾਂ ਸਫਲਤਾਪੂਰਵਕ ਪ੍ਰਾਪਤ ਕੀਤੇ ਗਏ।
ਐਲਆਰਐਲਏਸੀਐਮ ਇੱਕ ਦੇਸੀ ਤੌਰ ‘ਤੇ ਵਿਕਸਿਤ ਕੀਤੀ ਗਈ ਮਿਸਾਈਲ ਹੈ, ਜਿਸ ਦੇ ਸਾਰੇ ਉਪ-ਪ੍ਰਣਾਲੀਆਂ (ਸਬ-ਸਿਸਟਮ) ਡੀਆਰਡੀਓ ਦੀਆਂ ਵੱਖ-ਵੱਖ ਪ੍ਰਯੋਗਸ਼ਾਲਾਵਾਂ ਅਤੇ ਭਾਰਤੀ ਉਦਯੋਗਿਕ ਭਾਗੀਦਾਰਾਂ ਵੱਲੋਂ ਵਿਕਸਿਤ ਕੀਤੀਆਂ ਗਈਆਂ ਹਨ। ਬੈਂਗਲੁਰੂ ਸਥਿਤ ਏਰੋਨੌਟਿਕਲ ਡਿਵੈਲਪਮੈਂਟ ਐਸਟੈਬਲਿਸਮੈਂਟ (ਏਡੀਈ) ਇਸ ਦੀ ਨੋਡਲ ਪ੍ਰਯੋਗਸ਼ਾਲਾ ਹੈ। ਲਾਂਚ ਦੇ ਸਮੇਂ ਡੀਆਰਡੀਓ ਦੇ ਸੀਨੀਅਰ ਅਧਿਕਾਰੀਆਂ ਅਤੇ ਭਾਰਤੀ ਨੇਵੀ ਅਤੇ ਭਾਰਤੀ ਵਾਯੂ ਸੈਨਾ ਦੇ ਪ੍ਰਤੀਨਿਧੀਆਂ ਨੇ ਇਸ ਨੂੰ ਦੇਖਿਆ।
ਰੱਖਿਆ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ ਨੇ ਐਲਆਰਐਲਏਸੀਐਮ ਦੇ ਸਫਲ ਉਡਾਣ-ਪਰੀਖਣ ਲਈ ਡੀਆਰਡੀਓ ਦੀ ਟੀਮ ਅਤੇ ਉਦਯੋਗਿਕ ਭਾਗੀਦਾਰਾਂ ਨੂੰ ਵਧਾਈ ਦਿੱਤੀ। ਰੱਖਿਆ ਸਕੱਤਰ, ਰੱਖਿਆ ਖੋਜ ਅਤੇ ਵਿਕਾਸ ਵਿਭਾਗ (ਆਰ ਐਂਡ ਡੀ) ਦੇ ਸਕੱਤਰ ਅਤੇ ਡੀਆਰਡੀਓ ਦੇ ਚੇਅਰਮੈਨ ਸ਼੍ਰੀ ਰਾਜੇਸ਼ ਕੁਮਾਰ ਸਿੰਘ ਨੇ ਲਾਂਚ ਦੌਰਾਨ ਸਾਰੀਆਂ ਗਤੀਵਿਧੀਆਂ ਦੀ ਨਿਗਰਾਨੀ ਕੀਤੀ। ਉਨ੍ਹਾਂ ਨੇ ਸਫਲ ਉਡਾਣ-ਪਰੀਖਣ ਵਿੱਚ ਸ਼ਾਮਲ ਸਾਰੇ ਟੀਮ ਮੈਂਬਰਾਂ ਨੂੰ ਵੀ ਵਧਾਈ ਦਿੱਤੀ।
